هنا جمعنا لك كل الاستفسارات اللي تكررت من عملائنا، وأجبنا عليها بشكل واضح ومباشر — بدون تعقيد، بدون لف ودوران.
الهدف؟
نساعدك تتخذ قرارك بثقة، وتفهم كل تفاصيل الخدمة قبل تأكيد الطلب، بدون ما تحتاج ترجع لنا أو تنتظر رد.
إذا ما حصلت إجابة على استفسارك هنا، أرسل لنا مباشرة على الواتساب وبنخدمك بأقرب وقت
وش تقدمون بالضبط؟
نقدّم خدمة واحدة أساسية إدارة الحملة الإعلانية الممولة. نستخدم المحتوى اللي عندك ونستهدف الجمهور المهتم بمجالك، ونشغل الإعلان بشكل ذكي ومدروس عشان نحقق أعلى عائد ممكن بأقل تكلفة.
وش الفرق بين باقة برق، والمتقدمة؟
باقة برق مدتها 15 يوم، وتشتغل على منصة وحدة فقط – نختارها لك أو تختارها بنفسك حسب الأنسب لمنتجك ومجالك.
مخصصة للتجربة والبداية، خصوصًا إذا ميزانيتك بسيطة. نجهز لك حملة مدروسة ونثبت لك فعليًا إن الإعلان الصح يجيب نتيجة… بدون التزام طويل أو صرف عالي. الهدف نثبت العائد ونبني شراكة مستمرة.
الباقة المتقدمة مدتها 30 يوم، وعلى منصة وحدة أيضًا، لكنها مصممة للي سبق له الإعلان وعنده مبيعات فعلية، وحاب يرفع الأداء ويوصل لأرباح أعلى.
نحلل حملاتك السابقة ونبني عليها خطة أذكى تخدمك على المدى الطويل.
هل في ضمان على النتائج أو المبيعات؟
بفضل الله حققنا أرقام ممتازة لكثير من عملائنا، وهذا شيء نعتز فيه.
لكن بكل مصداقية، ما فيه أي جهة في السوق تقدر تضمن مبيعات، لأن النتائج تعتمد على عوامل كثيرة خارج نطاق الإدارة الإعلانية مثل: جودة المنتج، التسعير، حجم الطلب، التفاعل، تجربة العميل… وهذي كلها بيد التاجر بشكل أساسي. اللي نقدر نضمنه لك بشكل كامل ونتحمل مسؤوليته هو
إدارة احترافية ومدروسة للحملة من أول خطوة، بخطة واضحة وتنفيذ دقيق يركز على تحقيق أفضل عائد ممكن بإذن الله.
هل تشمل الأسعار تصميم الإعلانات أو إدارة الحسابات؟
لا، الباقات ما تشمل تصميم المحتوى ولا إدارة حسابات السوشال. لكن نساعدك بتعديلات بسيطة للمحتوى الحالي لو احتجت .
الميزانية الإعلانية مشمولة؟
لا، رسوم الخدمة منفصلة عن ميزانية الإعلان. الميزانية تدفعها أنت مباشرة للمنصة (مثل تيك توك أو إنستجرام) .
كم الميزانية المناسبة؟
نبدأ بحد أدنى ٥٠٠ ريال كميزانية كاملة للحملة، وهذا الرقم مهم جدًا عشان نقدر نشوف نتائج فعلية وأرقام واضحة تساعدنا نتخذ قرارات دقيقة ونبني عليها تحسينات. وغالبًا نبدأ بصرف يومي من 75 إلى 100 ريال كحد أدنى، لكن الرقم يختلف حسب نوع منتجك والمجال اللي تشتغل فيه.
متى اشوف النتائج؟
بفضل الله كثير من عملائنا بدأوا يشوفون نتائج واضحة من أول 12 ساعة فقط من إطلاق الحملة.
مدة الباقة؟
باقة برق لمدة ١٥ يوم، والباقة المتقدمة لمدة ٣٠ يوم، تبدأ من تاريخ بدء الحملة الفعلي وليس من تاريخ الطلب.
أي منصة تنصحون فيها؟
يعتمد على مجالك. ونوعية المحتوى المستخدم بالاعلان. وفريقنا راح يوجهك بالضبط بالمنصة الانسب لك.
ما عندي محتوى، تقدرون تصممون لي؟
الخدمة ما تشمل تصميم محتوى، لكن نقدر نساعدك بتعديلات بسيطة على المحتوى الحالي إذا كان عندك فيديوهات أو صور .
وش طرق الدفع؟
كل طرق الدفع متوفرة في الموقع فيزا، مدى، ماستركارد، أبل باي، تابي، تمارا، تحويل بنكي. وإذا واجهت مشكلة، تأكد من البطاقة أو جرّب طريقة ثانية .
وش المطلوب مني بعد الدفع؟
بعد الطلب، نعطيك نموذج بسيط تعبّيه، ومن خلاله نحدد الاستراتيجية ونبدأ التنفيذ. نحتاج أيضًا صلاحيات على حسابك الإعلاني ومحتوى الحملة فقط.
